منتديــــــــــــــــات عصــــــــــــــــــام دبــــــــــــــــــــــــــابــــــــه


.•°اهلاً بك قلماً مميزاً وقلبا ً حاضراً °•.

.•° هنا حيث القلوب تشابهت طيبة ٍ °•.

.•° وتلونت فرحاً وأملا ً °•.

.•° تزينت سماءنا بلالئي الأنجم اللامعه

وتوشحت بوشاح الفرح والسرور

وهلت بشائر طيور المحبه ترفرف نشوة بقدومك

وتعانقت حروف القوافي ترحيب بعطرك °•.

.•° بكل المحبه والموده نحييك لتشريفك لنا

ونرحب بك اجمل ترحيب ممزوج بعبارات الود والاخوه

موشح بالفل والكادي والرياحين°•.

.•° نتمنى لك إقامة رائعه وممتعه مع اخوانك و اخواتك

وفي شوق لعذوبة غدير حروفك لنرتوي منه

ورسم أناملك لنتمتع بابداعك وجماله °•.

.•°ارق تحية معطره بروح الورد لك°

&&&&&&&&&&&&&&&&&&&&&
وانصحك بالتسجيل في منتدانا ليصلك كل جديد
منتديــــــــــــــــات عصــــــــــــــــــام دبــــــــــــــــــــــــــابــــــــه


.•°اهلاً بك قلماً مميزاً وقلبا ً حاضراً °•.

.•° هنا حيث القلوب تشابهت طيبة ٍ °•.

.•° وتلونت فرحاً وأملا ً °•.

.•° تزينت سماءنا بلالئي الأنجم اللامعه

وتوشحت بوشاح الفرح والسرور

وهلت بشائر طيور المحبه ترفرف نشوة بقدومك

وتعانقت حروف القوافي ترحيب بعطرك °•.

.•° بكل المحبه والموده نحييك لتشريفك لنا

ونرحب بك اجمل ترحيب ممزوج بعبارات الود والاخوه

موشح بالفل والكادي والرياحين°•.

.•° نتمنى لك إقامة رائعه وممتعه مع اخوانك و اخواتك

وفي شوق لعذوبة غدير حروفك لنرتوي منه

ورسم أناملك لنتمتع بابداعك وجماله °•.

.•°ارق تحية معطره بروح الورد لك°

&&&&&&&&&&&&&&&&&&&&&
وانصحك بالتسجيل في منتدانا ليصلك كل جديد
منتديــــــــــــــــات عصــــــــــــــــــام دبــــــــــــــــــــــــــابــــــــه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتديــــــــــــــات عصـــــــــــــــــــــام دبــــــــــــــــــــــــــابــــــــه
 
البوابةالرئيسيةأحدث الصورالتسجيلدخول


اخبار المنتدي : سوف يتم انشاء قسم خاص لتعلم بناء المواقع والمنتديات وركن الدعم الفني والاكواد ..................................مع تحيات ادارة المنتدي ..............................المدير العام :عصام دبابه
لا اله الا الله
شريط الاهداءات والمواضيع من مدير المنتدي: اشكر كل الموجودين في المنتدي &&& فيصل ودالباشا:اهدي تحياتي لكل احبابي في كليه الخرطوم للعلوم الطبيه &&& محمد ادم زكريا (عسلكي): رايت الناس كيف تخون ورايت الكلاب كيف تصون فكلما زادت معرفتي للانسان زاد احترامي للكلاب &&& السيد سركيس: شكرا لكم يا طيارات &&& عبدالرحمن محمد:لقد اعتزلت التمثيل لاقتراب الامتحانات فسامحوني &&&ابوالقاسم حلمي(شاودر)الناس تفتش الخطا عشان تتبتعد ق تبا لهم

لا اله الا الله

 

 موسوعة الشعر الحلمنــتـــيـشـــــــى

اذهب الى الأسفل 
كاتب الموضوعرسالة
عصام دبابه
المدير العام
المدير العام



عدد المساهمات : 383
نقاط : 1136
تاريخ التسجيل : 24/05/2011
العمر : 28
الموقع : السودان /الخرطوم

بطاقة الشخصية
الاغاني: 34

موسوعة الشعر الحلمنــتـــيـشـــــــى Empty
مُساهمةموضوع: موسوعة الشعر الحلمنــتـــيـشـــــــى   موسوعة الشعر الحلمنــتـــيـشـــــــى Icon_minitimeالسبت مارس 01, 2014 1:40 am

فقط لجمال الكلمه وصدق الفكره وعمق المضمون وحلاوة الالفاظ فى الشعر الحلمنتيشى ..

فكرت فى طرح هذا البوست ... وهو عباره عن تجميع لكثير من القصائد الحلمنتيشيه الجميله ..

التى اتمنى ان تنال وتستحوز على جزء من رضكم

كل الشكر وخالص التحايا الى هيئة حلمنتيش العليا

((الغنيّه عن التعريف ))

ونبدا مشوار الضحك والفرفشه مع اولى القصائد وهى بعنوان:

نـــــــــــــــــــــــــدى



قلتي ليّ سموك ندى!؟!

وده منو السمّاك ندى؟

ده أكيد أبوك

إنعل كِدة!

فيك شنو يسمّك ندى!؟

في صوتك أتخن مننا

إضنين كُبار زي دِشّنا

وتقولي ليّ سمّاك ندى!

خشمك ده ريحتو معفّنة

ايدين كبار حقات بُنى

وتقولي لي سمّاك ندى!؟

المشية كتّاحة وعلال

كرشك تقول شايل جَنى

وتقولي لي سمّاك ندى!؟

قالت لي "ها هدى في البطاقة إسمي ندى"

شوف يا أخ..

مافيش علاقة بينك وبين ندى

خلّيها ندى ..

خالت قريبة جارت صديقة ناس ندى

ما فيش علاقة

ندى في العيون أكحل مجعّد مسوّدة

انتي العيون فوقن قضى

ندى في الحواجب زي هلال

قصة نصوم دي مؤكدة!

انتي الحواجب دلجة بس

قلم الحواجب هاردها

وتقولي لي سمّاك ندى!؟

ندى تبتسم آلالاف مؤلفة تسعدها

وانتي الخشم شارّة التلاليش

بس طبق ومغطّي صينية الغدا

ندى في الوشيش نظرك بشيش..

ما يعقّدها

وانتي الوشيش وش الجحيش

نخرين كُبار كُرعين ردا

وتقولي سمّاك ندى!

قاتلي "آي أنا إسمي ندى"

شوفي أوعك تقولي اسمك ندى

ندى ما بس الاسم

ندى الجمال زايد الأدب زايد العلم زايد الفهم

ندى في الجمال ما شُفنا أجمل من كِده

ندى في الدلال خصّاها بيو رب العباد حين أوجدها

ندى في الأدب ..

ربّوها بيو رجال ياكلو النار مولّعة موقدة

ندى في الكلام

طبيعي صوتا بيجيب صدى

ندى في "البزاغ" ..

شربتي "سفن أب" ياهو ده !

وتقولي لي سمّاك ندى!











ايكون ده شنو ؟؟؟


هو زى طالع
وما طالع
وزى واسع
وما واسع
وزي واقع
وما .. لا اظن واقع
إكون دا بنطلون شافع !!؟؟
إكون دا شنو؟؟
إكون لابساه بالمقلوب؟
إكون نص توب؟
هه يا المتخرجين يا دوب..!
إكون دا الروب؟
إكون دا شنو ..؟
كيف يا شاب
إكون شراب..؟
الشراب تحت ما فوق
إكون دا بنطلون مشنوق؟
حاجة عجيبة مالية السوق
إكون طاقية ممطوطة؟
إكون فوطة ...؟
غايتو عمل جنس جوطة!
إكون دا شنو...؟
إكون ماكسي ..؟
إكون عراقي بالعكسي؟
غايتو يا ناس جنس لبسه
تخلى الزول اموت هسي
إكون دا شنو..؟؟
ناس قالوا إكون فركه!
وناس قالوا
إكون باقيهو
واقع منو في السكه!!!
وواحد قال:
إكون سروال بدون تكه!!!
دي ما شبكه
إكون دا شنو؟؟؟
إكون دا بنطلون نص كم
إكون دا ردا وعندو جضم
إكون بى كم ؟؟
إكون دى بلوزة مجروره؟
إكون دي ملايه مفروره؟
ولا اكون لبس كوره!؟
دخلو موضه كندوره
دا برمودا .. دا برمودا
امانه وقعتك سودا
لبستي الليله برموادا؟؟
بكره تجينا بالشراب
وبرضو تقولي لي موض






















دنيا غريبة


ناس ضايقاها ماكنتوش
وناس دافساها صحنين بوش
ناس نادوها ناريمان نهى وإيمان
نزار هيثم أسامي رشوش
وناس نادوها يا كلتوم ويا فطوم
وود بعشوم أبو طربوش أسامي بروش
ناس في الحب بتدخل توش
بدون تقديم بدون تلميح معاها قروش
شبح موديل سنة ألفين بيملى الحوش
وناس بتريد بكاها يزيد وما بتوصل
دوام يدوها بالشاكوش
عشان تعبان مفلس تب ما عندو ماكنتوش
وتسمع لب لب لب
وراسو يدوش ويبقى عموش
يقولوا عليهو شهيد في الحب ومات مغشوش
وحالي البي أصبح كيف
ده من شفتك غشاني خريف
مطر من جسمي نازل شو
ويوم سيرتك يجيبوها
أبقى أخاف أكون رجاف
بدل رفدور أرش بف باف
قميصي الساوي لي غلبة
مسكتو لبستو بالقلبة
أدور أنضم أتمتم زين
أمرق الكلمة من علبة
واتلخبط
كراع جزمة واعين التانية ألقى شبط
وأكون ملخوم ..
أشوف سنير .. أقول برلوم
أمش شمبات .. أقول أم دوم
أشوف شندي .. أقول خرطوم
أقلب الحال .. ليلي سهر .. صباحي أنوم
واحلم يوم
تكوني معاي ونطلع في مكاناً هاي
تشربي كولا واقعد ساي
أتوه واسرح وانم دوباي
وا أسفاي وا أسفاي
على قلبي الصبح بكاي
وشن بنسوي لما نشوف قمر ضواي
يطلق النار يشع جواي
ويبقى مناي .. أعاين ليك صباح ومسا
واجر السبحة أقول مدحة
سراي سراي
مناي ألقاك يا السمحة
مناي تجودي بي عينيك قد لمحة
ولمن تلبسي الطرحة .. تصاب معدتنا بالقرحة
ويجربوا فينا كل علاج :
هستامين .. كلودكوين
دة لا ينفعنا إنتستين
ولا يشفينا دربكينين
وما عارفين إنو علاجنا كافلجين
وكافلجين علاج لكل مرض خطري
علاج للبشري والبطري
وأشوف قدري
أكان حبيت وشاع خبري
أكان كفت الهموم كفري
وقبل أموت .. أقول كلمات
أوصي بدفني في الأحفاد
ويبقى فراشي في شمبات













الزمن الضائع


متين يا الله ألم الفكه
أجيب الشيلة واسوي الشبكه
وأمي تزغرد بي طول صوتها
وأنا مبسوط وظابط الشكة
هدومي معطنة بالأرياح
ريحة الخمرة وريحة الدلكة
واطبع للعيزومة كروت
حاشاها الما زي كرت البنزين
جميله زاهية في ورق التوت
وتحت الإمضاء مشكورين
لأنها لحظة ما بتفوت
وإلا تكونوا مبسوطين
ويجوا الأولاد بوجوهاً نادية
يقشوا الفسحة الواسعة وهادية
نرًكب فيها الصيونات
ونعمل حفلة بود البادية
ولازمن حفلة تكون صباحي
أشفي غليلي وأداوي جراحي
من زمن العذابة الأغبر
السًود عيشتي وزاد لنواحي
أفك القيد من قلبي وأغني
حبيب الروح وغني يا صاحي
وفي العصرية نمرق سيرة
خلوق منتظمة ماشة مسيرة
زي صف دكانأً ناصية
فيه سجاير بالتسعيرة
بناتنا يغنن مبسوطات
دور بينا البلد ده
يلفن يدورن العربات
ولمن أصل بالسيف اتقدم
زي الفارس ماشي ملجم
وشي بينضح لمعه ونضرة
قميصي نضيف وماه مجلبط
بملاح خدره
أهز في البنوت بي سيفي
وابخبخ فيهن لبن البدرة
وفجأة يدق صوت الدلوكة
وتبقى الناس بالجد مربوكة
واحدة تصفق واحدة تزغرد
وواحدةتلوك في لبان بازوكة
جابوا عروسي وبدت الوقفة
سرحت بعيد في حق القفة
جابت قون بي رقة وخفة
ما اتجرست كلا وحاشا
الا هناك واقفين شماشة
قالوا اكيد شارب حرباشة
زعلت شديد وغلبني اللعب
لانو كلامن كلو كضب
قاموا اصحابي بصوت عالي
يا عبد الله اطلع بره إشاعة إشاعة
وحتماً يوم لي أمك عايد
قونها حقيقي ما اوف صايد
صوت أصحابي أثر فوقي
بحركة ذكية جبت القون
وانا والحلوة بقينا درون
وفجأة أضفت الهدف الثاني
وغمر الساحة فرح رباني
مرقوا اصحابي يكوركوا ويهتفوا
فاتوا الفسحة وسدوا الشارع
صوتهم طاغي ظاهر وطالع
يا عبد الله هايل ورايع
جبت القون في الزمن الضايع















ولاد مايعين
ولاد صايعين
قميص رقاش
وقاش حشاش
جسيم ناعم
ممسح ديمة بالفازلين
وحس مخفوض ولين ..لين
حناكيش والله .. ما ناقشين
بياكلوا الجبنه بالبيرجر
والمايونيز ملخبط فيهو حب التين
معلق جدول التسمين
ووكت ما يجوك ..متلمين
تقيف محتار..
تقول يا ناس
ديلا رجال..؟ ولا عوين.؟
هه يا الخيبه.. وكنت امل
معشش في قلوب اهلك
وزي المويه ليك راجيين
طلعت فشوش...
دهب مغشوش..
وما بتنفع..
لا بجنيه..لا طراده ..لا ملين!
منو القال ليك دروب العزه
كان ركبوها بالفيسبا
والبازوكه والفازلين..
منو القال ليك سيوف النصر
كانت عند ولاد لامعين؟
اكان فراسا ركبو الخيل
وصنعو العز
لبست الليله انت الجينز
ركبت البنز
تدور مكنه بالبنزين
وبعد دا ..خسرت الحرب
وجيت راجع مع الفاشلين
منو البسمع كلام مليان
لما يقول:
الشعب العربي وين؟
الغضب العربي وين؟
وين الملايين ؟؟؟
ملايين كان وجودا زمان
لكن صفر في دا الحين
ملايين كان صداها زمان
نعيق البوم فى دا الحين
ملايين كانو فوق في العرش
ووقعوا الليله جوه الطين
من المحيط وللخليج
ملايين كلهم فاشلين
فرد غنيه لي جاكسون
ملايين كلهم راقصين
فرد طلقه من صهيون
ملايين كلهم لابدين
ملايين والله ما نافعين
منو البيرجع التاريخ
لمن كانت اسبانيا
معقل وساحه للفاتحين
منو البيصحى عين جالوت؟؟
بعد ما مات صلاح الدين
منو البقطع رحط القدس؟؟
عروس بت عز
ويا داب في عمر عشرين
وبرضو تقول شباب عرب؟؟
اصح نقول شباب ضائع
مشتت وفي قيود و سجين
لكن يا ناس بقولو كلام
تعالوا ننضف افكارنا
نحارب الجور
نحارب الردة والأثام
نفكر في عروبتنا
نخطط نمشي لي قدام
وبعد اليوم فيا جوليا
ويا ام عزين .. ويا الهام
حلفنا نجدل العملاء
وكل صهيونى ابقى حطام
وتبقي العزه عربيه
تعانق في سمانا غمام













يا طبيبة

يا اللي ريدك فيني طبعة .... يا المكسرة فيني ضلعة
يا البجيك في الجامعة دايش .... يوم خميس ألقاه جمعة

يوم أشوفك ... قلبي ينتف .... عرقي ينزف
وابقى اشوفك سبعة سبعة
" أصلو ريدك جاني فجأة " .... وأدى لي صنقوري كبعة

****
يا طبيبة ... يلا شيلي القرقريبة
ويلا عوسي قليبي كسرة
ويلا دنكلي منو لقمة .... والعبيبا

عل بس شيليها مرة .... وابلعيها كالجاتوه
خليهو يسأل جوة يسأل .... والبيسأل ما بتوه
ولما جات المعدة تهضم .... قيل مهلاً اتركوه
أنه لا يطلب شيئاً
إنه قلبُ ُ متيم .... جاء يسأل عن أخوه

*******
قد سألتك لا تجافي .... إنه حب خرافي
ما بسيبك .... كان بترضي وكان تخافي
ما بسيبك كان رضيتي وكان أبيتي
كان وقعتي .... وكان جريتي
كان عقب طلعتي زيتي

ما بسيبك .... كان خلطتي الأمة جملة
كان طلبتي المهر عملة
وإن طلقتي علي نملة

ما بفوتك إنت املي
كان بترضي وكان تملي
ما بفوتك إنت للي

إنتي أقري .... وكل معلومة بتفيدك
يا حلاوة المايكروبايو .... جاري في موية وريدك
كل جرثومة بتريدك .... صارو هيلك من عبيدك
وإنتي للباثولوجي تقري .... أصلو شيتاً دمو بقري
علة جنبك يبقى ساهل .... وفيهو تجري

******
وإنتي يا أشطر طبيبة .... يلا شرحي فيني حلي
فرتقي الجواي وسلي

تلقي روحي مناها ريدك
والعلاج جاهز في إيدك

ماهو كم كبسولة "فاليوم"
إسبرين أو كان يورانيوم

العلاج جاهز في إيدك من سنين
العلاج يا انتي آخذ حقنة حُب أو حبتين
من عيونك .... من كلامك .... كلو ريحة بنسلين
واشفى من كل المواجع .... وأبقى زين














بووووووبي


احيييييييييييينا!

أحي أنا ! ويا بختنا ! ويا حظّنا!

وأحي أنا!

قالوا في تعليمة في حيّنا

اتلمن أُمات عيون فيهن هَنا

وأُمات جضوم حديهن هِنا

سيقاناً زي القَنا ..

والله أخير حقاتي أنا!

ديل كمان منو الجابوم هِنا!؟

وبدت التعليمة ..

يا بِنيّة يلاّ .. فرفشي وما تختشي

"أدوك فلّة؟" نحمد الله

"أبوكي في؟" متوفّي!

"ماما في؟" ما بتقول شي!

"أخوك في؟" ده لي شنو، ما بسو شي!

وإظنّك كمان بتكفّتي!

"كلبكم في؟" ما بعضّي!

هو كيف يعضّي..

هو زاتو من عمايلك يا فلانة

عقلو منّو طشّ فرّ

بقى لا بفرز الجوّة جوّة ،

لا بعرف البرّ برّة

هو زاتو استغفر الله

وسط كلاب الحِلّة ليهو زِلّه

اتلمّوا ليو كلاب الحِلّّة

يا بوبي "هَو" بي الجنبة دي!

ويا بوبي "هَو" بي الجنبة دي!

واحنا بنقول يا بوبي لأ ، حبّة إختشي

لو إنت سِتّك ما بتختشي

إنت إختشي

يا بوبي "هَو" أهما شي

وا خسارة مجتمعنا

وا خسارتك يا قيمنا

والما بقول "بي الجنبة دي"

هم فقط فيهم أملنا

ويلاّ أكبر يا أملنا

ويلاّ فرهد يا أمل













سطلة مسطول


دي الجرادة القاعدة بترضع في ولد الكديسة
صاحبة الديك والجدادة الحايمة بتكوس في المريسة
والضبانة الزغردت فرحانة بي جيت عريسها
والضب الخاتي سفة يشكي من الظروف العويصة
احييييييييييييييييييييييي انا

دا البمبر قال مصدع من قعاد طول النهار
و فردتو المفراكة تبكي وتشكي من طول الدوار
و الملاح حارقاهو شطة صاري قال ما عاوز هزار
والرغيف فقران وناشف من صف النتظار
و جكسويتي قالت انا ما بغازلها ركبت وش حمار
عاوزاني تحت البلوكنة ليل ونهار
على بالها روميو قالت سيد الرجال
ابيت زعلت تاني ركبت وش حمار
فكيتها الزيها راقدين كتار


تقولي لي سليتك
تقولي لي جفيتك
تقولي لي عفصتك
بعفصك وبعفص حنانك
دبايب وعقارب تداعب بنانك
بتسال عن حالك
وكيفن هو حالك
سالت تمرجي البطاطس بعادي
تجاهل وقبل لغادي
بحبك لمن بغادي
وبعاتبك بلغة سواقين التكاسي
حبيب مال انا ليش هذا عذاب
حبيب انت في كذاب
انت قول في حب واجد بعدين سوي غير نمونا
انت كنسل حب مالي
انت خرب كل حالي

شنو؟؟؟؟؟
ما عاجبك
ياخيييي ديشك
وديش الحب الخلاني سجينك
وديش الشوق البربط بيني وبينك
الرجوع الى أعلى الصفحة اذهب الى الأسفل
https://isamdbaba.mam9.com
 
موسوعة الشعر الحلمنــتـــيـشـــــــى
الرجوع الى أعلى الصفحة 
صفحة 1 من اصل 1
 مواضيع مماثلة
-
» موسوعة الشعر الحلمنــتـــيـشـــــــى 2
» موسوعة الشعر الحلمنــتـــيـشـــــــى3
» موسوعة الشعر الحلمنــتـــيـشـــــــى4
» موسوعة الحيوانات المنقرضة
»  موسوعة الأرقام السرية لشفرة استقبال الديجتال !!!

صلاحيات هذا المنتدى:لاتستطيع الرد على المواضيع في هذا المنتدى
منتديــــــــــــــــات عصــــــــــــــــــام دبــــــــــــــــــــــــــابــــــــه :: منتدي الادب :: ركن الشعر الحلمنتيش-
انتقل الى: