منتديــــــــــــــــات عصــــــــــــــــــام دبــــــــــــــــــــــــــابــــــــه


.•°اهلاً بك قلماً مميزاً وقلبا ً حاضراً °•.

.•° هنا حيث القلوب تشابهت طيبة ٍ °•.

.•° وتلونت فرحاً وأملا ً °•.

.•° تزينت سماءنا بلالئي الأنجم اللامعه

وتوشحت بوشاح الفرح والسرور

وهلت بشائر طيور المحبه ترفرف نشوة بقدومك

وتعانقت حروف القوافي ترحيب بعطرك °•.

.•° بكل المحبه والموده نحييك لتشريفك لنا

ونرحب بك اجمل ترحيب ممزوج بعبارات الود والاخوه

موشح بالفل والكادي والرياحين°•.

.•° نتمنى لك إقامة رائعه وممتعه مع اخوانك و اخواتك

وفي شوق لعذوبة غدير حروفك لنرتوي منه

ورسم أناملك لنتمتع بابداعك وجماله °•.

.•°ارق تحية معطره بروح الورد لك°

&&&&&&&&&&&&&&&&&&&&&
وانصحك بالتسجيل في منتدانا ليصلك كل جديد


منتديــــــــــــــات عصـــــــــــــــــــــام دبــــــــــــــــــــــــــابــــــــه
 
البوابةالرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول


اخبار المنتدي : سوف يتم انشاء قسم خاص لتعلم بناء المواقع والمنتديات وركن الدعم الفني والاكواد ..................................مع تحيات ادارة المنتدي ..............................المدير العام :عصام دبابه
لا اله الا الله
شريط الاهداءات والمواضيع من مدير المنتدي: اشكر كل الموجودين في المنتدي &&& فيصل ودالباشا:اهدي تحياتي لكل احبابي في كليه الخرطوم للعلوم الطبيه &&& محمد ادم زكريا (عسلكي): رايت الناس كيف تخون ورايت الكلاب كيف تصون فكلما زادت معرفتي للانسان زاد احترامي للكلاب &&& السيد سركيس: شكرا لكم يا طيارات &&& عبدالرحمن محمد:لقد اعتزلت التمثيل لاقتراب الامتحانات فسامحوني &&&ابوالقاسم حلمي(شاودر)الناس تفتش الخطا عشان تتبتعد ق تبا لهم

لا اله الا الله

شاطر | 
 

 موسوعة الشعر الحلمنــتـــيـشـــــــى3

اذهب الى الأسفل 
كاتب الموضوعرسالة
عصام دبابه
المدير العام
المدير العام


عدد المساهمات : 383
نقاط : 1136
تاريخ التسجيل : 24/05/2011
العمر : 23
الموقع : السودان /الخرطوم

بطاقة الشخصية
الاغاني: 34

مُساهمةموضوع: موسوعة الشعر الحلمنــتـــيـشـــــــى3   السبت مارس 01, 2014 2:04 am

البرلومة


أصبحت خيراً يابرولمة فابسمي

من كل فظٍ ذي لسانٍ أبلم

يا ويح بوزي كيف يهجو نفسه

إنّ الهجاء لمِن فعال المجرم

فإذا هجوتُ فإن هجوي ناشفٌ

ينمو بجلدِك مثل حبِّ البُرجم

ولإن مدحتُ فإن مدحي طاعمٌ

كلُبانِ ماكسي في خشيمك فافهمي

كيف الهجاء وانت حلوةٌ كفتةٍ

والكستليتةُ فيها زيتُ السِمسِمِ

ولقد رأيتُكِ مرةً منشرةً

والآيسكريمةُ والقزازةً في الفم

تتلمَّظين بجغمةٍ وبلحسةٍ

تتمطَّقين .. ومرةً تتبسمي

فهريتِ مُصراني بعاجل نظرةٍ

من مقلتيك فيا برلومة ارحمي

قلباً إذا ما شاف زولاً قطعةً

تلقاهو يمرُقُ طائعاً مستسلمِ

أنسيت ساعات خَلَتَ بِجِوَارِكُم

أشكو إليك بصوتي المتلعثم

ويدوش رأسي مثل ساكن دَردَرٍ

ويكون حِسِّي كبالعِ دُردُم

أنسيتِ يوم رجالتي قِدَّامكُم

نافخ جضيماتي كجوز طماطم

يا من سلقتي كاحلي ككوارعٍ

خذي رأسي فإنه هو ((باسمي))















اللّزيزة

قالو زهجانه واظنك
ما عرفتي سؤالي عنك
يا اللِذّيْذَه الكلي جنك
عايز اكون انا ابقى منك
اي حاجه قريبه منك

تبقي طربيزه ابقى كرسي
تبقي راكب ابقى تكسي
بيكي اسافر لام دقرسي
وتبقي حافله ابقى بوكسي
وياسلام لو ابقى ببسي
تشربيني
تقرطعيني
تدفقيني
وما مهم
هي قرطعيني
بس مهم شوفت عيونك ابقى منك اي حاجة قريبه منك

تبقي وردي ابقى ترباس
تبقي سانتو ابقى كدباس
تبقي بنكي ابقى حراس
تبقي برعي ابقى عباس
تبقي باب ابقى ترباس
ابقى غرقان تبقي رفاس
رفسيني
وفتشيني
وغرقيني
وفنجطيني
وماهم
هي رفسيني
بس مهم شوفت عيونك وابقى اي حاجه قريبه منك

تبقي فالق ابقى مفلوق
تبقي كسره ابقى طايوق
تبقي منفوخ ابقى مطفوق
تبقي ويكه ابقى لايوق
تبقي شناق ابقى مشنوق
تبقي حراق ابقى محروق
وياسلام لو تبقي خازوق
مقلبيني
وزهجيني
وعكريني
ومامهم
هي مقلبيني
بس مهم شوفت عيونك وابقى اي حاجه قريبه منك

تبقي حيطه ابقى طوبه
تبقي روسيا ابقى كوبا
تبقي جمباظ ابقى هوبا
تبقي غنمايه ابقى لوبه
تبقي فاطمه ابقى زوبه
ابقى راس هي تبقي قوبه
ألميني
وعوريني
وبشتنيني
وزهجيني
ومامهم
هي عوريني
بس مهم شوفت عيونك وابقى اي حاجه قريبه منك

تبقي سكر ابقى ضبان
تبقي بوليس ابقى بمبان
تبقي كبده ابقى مصران
تبقي شيته ابقى طرزان
ابقى حفله وتبقي سكران
فرتقيني
وجهجهيني
وبهدليني
ومامهم
هي فرتقيني
بس مهم شوفت عيونك وابقى اي حاجه قريبه منك

قالو زعلانه واظنك
قالو قرفانه واظنك
ماكي عارفه سؤالي عنك
يا اللذيذة الكلي جنك
عايز اكون انا ابقى منك اي حاجه قريبه منك
اي حاجه قريبه منك









حب بلغة الموبايل

بحبك ياوحيد جوه القلب مشتول على طول الوريد والأنسجة
وحدك براك محفوظ على ميموري الهوى مرسوم على جلاري الفؤاد صورة ندى
ونغمة كلامك ياملاك في الميديا دوم مسترسلا
وجوه الإمج صورتك براك محفوظه زي عطر الشذى
وحرفك على الواجهة إتنقش زان الجهاز بيهو إكتسى
فاتح البلوتوث دوام عليك من الصباح حدي المسى
وساعة يصيب فيروس هواك قلبي النسى أفضل أهاتي بروعتك حدي العشى
أم المسج مكتوب غرام منقوشه فيه أغلى السطور لي زول قسى
ويوم أبقى داير أرسل مسج الشبكة تابه ترسلو
وتبقى الحجج طول المدى وللقمره مابيه توصلو
ياربي شبكتنا بتغير ولا الغلط في الإسكراتش مانزلو
والكان عجيب يوم يبقى كول يطفي الجهاز يحلف يمين مايشتغل
والمرة دي تبقى الحجج خلص الشحن
وساعة ابدا اشحن في الجهاز الجمرة تقطع تنتهي
ياناس حرام لا الم في مسكول لا اتصال لا اي شي
وأسهر أحنس في النجوم نادو القمر قولولو شي
يردو القمر مافاضي ليك مشغول بضوي لناس كتير في الدنيا دي
وأفضل حزين زارف الدموع عايش الأنين زعلان على حظي الردي








































الكشّــــــــــه


من بورسودان
قطع التذاكر للسفر
الود خلاص قال اغترب
كبّا الهموم فى راسو كبْ
هم للعرس
هم للقرش
هم للملابس والدهبْ
( بتَّ الحلال) قالتلو يا زولي الحبيب
والحاجة قالت ( يا مجيب)
نجّيهو لىْ من كلو (جيب)
والود كمان شال الدُعا
يا ربى يّسر لى سبب
***
قطع البحر
لا فى الهبايب والخطرْ
لمّن وصل ( جّدة) بسلامْ
وقتو الوصل . من تاني قام شال الدُعا
يا كاشف الشر والكُرَبْ
نجيّني من (جِيب ) العرب
(جيب) النصايب والتّعب
و (الكشّه) والحظ الكَعَبْ
والناس تهاتي (الكشّه) جات
(الكشّه) راحت بى هناك
(الجيب) ظهر فوق الدَّرِبْ
الزول خلاص قلبو اضطرب
عقلو انشطب
فكر وحاول فى مفرْ
(لوحات حُمُر) فى السّكه
زى لمبات خطر
داقش يمين داقس شمال
لمّن وقع فوق المطب فى (باخشب)
قام خابى خب
خاف السؤال
(وين الهوّيه) سؤال صعب
يرميكا فى ساعة غضب
من جدّه لمن (ديم عرب)
***
كابوس لعين
زى الكمين
سمّوه كشه فى كل حينْ
منَّ الصباح لما المسا
جيبات كتيره مكدّسه
ناساً تقول صابينا صب
***
صاحبنا قال عامل (مقيم)
زرّوه فى حى (النعيم)
شالوه فى الجيب واعترف
ساقوه لى سجن القرف
والود هناك ضاق الشّقا
وضاق العذاب لمن فتر
قال ما خلاص ما فيش مفر
الجانى فى اللوح إنكتب
أحسن اكابس فى البلد
أزرع أرض
أصبر وأكل فى القرض
أنا أصلى قُبّال انقبض
فى جدّه ما خليت محل
أسأل أفتش فى عمل
والزول هناك مهما اشتغل
لا بدّ فى الجيب ينكمش
والناس هناك مغشوشة غش
(بالكبسه) بس تعمل كرش
**
أهلى الغُبش
أحسن لى من جمع القرش
أنا ما هنالك شفتا العجب
أنا تاني مِنّأ التوبه تب
لا كشه لا جيب لا تعب
لا جّده لا جيب لا عرب









الحب حلال ؟؟!!؟؟


اتلموا ناس طه و نضال
و نسات دقاقه و نقنقه
نظرات وداعه موثقه
و الجو عجيب ... تنظير شديد
باب النقاش اختلفو كونو الحب حلال
أحمد بقول الحب حلال
و الريده مفتاح القلوب
و الحب عشان يثمر يدوب
لازم تكون قعدات هنا
مرقات هناك
و نسات حنينه و دندنه ... و حاجات كده
رايكم شنو يا ناس ندي ؟؟؟
واحد بقول الحب حرام
و بدايتو أقرب للوهم
و في نصو بنقطع الطريق
و نهايتو شاكوش محترم
ما بين تطرف و انحلال
بنوته أقرب للملاك
وشيشه زي بدر التمام
قدلاته دايما بانتظام
والصوت أحن من الحنان
اتنحنحت ...
اتململت ...
و اتقندفت ...
و اتصلحت ... يا أخوانا لا !!!
يا أخوانا عيب !!!
أدوني فرصه
أنا زي بفكر انو ... لا
زي عايز أقول يا أخوانا ... ده
لا ... ما كده
فاهمني يا روحي الجميل
فاهمني يا حمزه النبيل
يا سيد حياتي و مالكه
واحد رصين حسه بخطر
حاول يلملم القلوب
يا حمزه اتحلت خلاص
انا عندي ليك و جهة نظر
رايكم شنو في شيخ وليد ؟؟؟
مولانا مولانا البطل
يا شيخنا عندنا كلمتين
ما تنبهر يمكن نزوده حبتين
رايك شنو ؟؟؟
في عبدو صاحب الدمعتين
لو مره قدم وردتين
لي بت بتقدل قدلتين
مولانا ... ياخي باختصار
رايك شنو ؟؟؟ الحب حلال ؟؟؟
مولانا شاب
شاب في نهاية الأربعين
يوم عرسو داك
شالوهو شيل ... ختوهو خت
راجل بدين
من وشو ظاهر زول وسيم
في الحله قالو عليو كعب
مولانا أصعب من صعب
و تحت تحت حبيب قديم
مولانا تمتم مرتين
من سبحتو ...
مولانا بجدع جدعتين
مولانا دنقر في الأرض
مولانا صنقع في السما
شاف لي مني
و ركز كتير في وش مها
همهم كتير بي تمتمه
من بعد ما حن و دنا
قال ليهم الحب يا شباب
مفتاح قلوبنا و شاهدا
والحب كلام ناعم جميل
بشبه كلام مروه و شذي
والله والله العظيم
لو ما العمر سافر خلاص
انا زاتي كان حبيت ندي
و بعد كده ...
مولانا اتنحنح رجع
قال بي وقار بي صوت رصين
الحب حلال
بالله شوفوا الفتوه دي
مولانا قال الحب حلال
مبروك كتير حمزه و ندي
بيت مال و فرحه و زغرده
لي عبدو ود المورده
وأبشر عديله و جردقه
لي وجدي مرضان البنات
ماهو المجكس أخت شذي







انفلونزا وكونداليزا


نمشي وين والدنيا عتمة
يا حكومتنا العزيزة
كل احاديث المدينة
قصه اليخت اللذيذة
والتعرفو من مصيرنا
كلو تحت الطربيزة
وكل صباح الامة تصبح
بي مزاج ناس كونداليزا
ونحن صلعنا وكبرنا
وتاني ما بيدونا فيزا
*****
والقصة ما قصة يخوت
القصة قصة شعب جايع دار يموت
قصه البلد المكتح
وباني فوقو العنكبوت
قصة الايدز والملاريا
القالو ازمة بنكنوت
قصة الكلى لما تفشل
من شراب موية البيوت
قصة السيل البيطفح
فات خلاص حد السكوت
قصة الوطن المجرح
وكل يوم خاشيهو بوت
وايه الفرق بين فرح الوطن
وفرح الحبيبة وبسمتا
وايه الفرق بين الرفد
وبين الضياع والشلهتة
وايه الفرق بين الرسم
في الامتحان والشخبتة
وايه الفرق بين الرسوم
وبين القلع والهمبتة
وايه الفرق بين المقابر
والضماير الميتة
وايه الفرق بين موتة دايمة
وللا موتة مؤقتة
وايه الفرق بين العرس
والقرمصيص والكبرتة
وايه الفرق بين البري
وبين الكلام العكلتة
هل جينا في الزمن الخطأ
هل جينا في زمن الضجيج والسلبطة
هل جينا بالشعر الطوال
خشينا عهد الزعمطة
هل نحن عاجزين عن مواجهة المصايب والمحن
هل نحن اكوام من هلافيت الزمن
هل نحن كالابطال بندفع في الثمن
أم نحن اذيال الحكاوى الانتهن
هل نحن انسان القرون الاتهن
أم نحن اصحاب المباديء ويا أم ضفاير قودي الرسن
هل نحن جادين في الوطن
هل نحن اخوان في الوطن
هل نحن سيان في الوطن
هل نحن اخوان في المحن
هل نحن انسان الوطن
ام نحن من جان نمتحن
من نحن.. يا هذا الزمن
يا ام مصايب قودي الرسن
واهتفي... يا سيدي الحسن





















حب بالانجليزى

Last week I was setting
جنب ال river

Smoking a cigarette
والـــدمــــــاغ مــــتــــكــيـفــة

Watching the moon
و كراعي holding خـالــفــا

I saw a man
شــــابـــــــا صـــغــــيــــر

But he was
مـــتــــقــــنـــــــدفــــــا

Driving a car
وال car Corolla مــــــكـــــنـــــدشـــــــا

He stop it جنب ال river
Start clean it and then quickly نـــــشـــــفـــــــــا

When he stop it جنب ال river
تــمــســاح كــــبـــــيـــر ظــــهـــــر

Swim to it
وراح خــــاتـــــــــفـــــا

The man كـــورك بصوت clear
What did you do
تـمــســـاح كـــبــــيـــــر؟
Why did you leave my
ريـــــــحـــــة طــــــيــــر؟
هـــنـــــا التـــمـــســـاح
Appear

وقـــال أنـــــــا الـتـمـسـاح و
Someone like to call me a Crocodile
I am the king of this river

وتــحـت الــكــبــري always صايل وديمة جايل
Do you think the Corolla back & so you قـــــــــايـــــــــل؟

This is your
بُــــــعــــــــــد So

لو عدت back by this مزاحي
Or if you just move by this
نـــــــواحــــــــــي

أصـــيــبـك بـالـجــراحــي
ودي قــــوّة عــــــيـــــن

It is better to you
تــخـــلـــيــــك صــــاحــــي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://isamdbaba.mam9.com
 
موسوعة الشعر الحلمنــتـــيـشـــــــى3
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديــــــــــــــــات عصــــــــــــــــــام دبــــــــــــــــــــــــــابــــــــه :: منتدي الادب :: ركن الشعر الحلمنتيش-
انتقل الى: