منتديــــــــــــــــات عصــــــــــــــــــام دبــــــــــــــــــــــــــابــــــــه


.•°اهلاً بك قلماً مميزاً وقلبا ً حاضراً °•.

.•° هنا حيث القلوب تشابهت طيبة ٍ °•.

.•° وتلونت فرحاً وأملا ً °•.

.•° تزينت سماءنا بلالئي الأنجم اللامعه

وتوشحت بوشاح الفرح والسرور

وهلت بشائر طيور المحبه ترفرف نشوة بقدومك

وتعانقت حروف القوافي ترحيب بعطرك °•.

.•° بكل المحبه والموده نحييك لتشريفك لنا

ونرحب بك اجمل ترحيب ممزوج بعبارات الود والاخوه

موشح بالفل والكادي والرياحين°•.

.•° نتمنى لك إقامة رائعه وممتعه مع اخوانك و اخواتك

وفي شوق لعذوبة غدير حروفك لنرتوي منه

ورسم أناملك لنتمتع بابداعك وجماله °•.

.•°ارق تحية معطره بروح الورد لك°

&&&&&&&&&&&&&&&&&&&&&
وانصحك بالتسجيل في منتدانا ليصلك كل جديد


منتديــــــــــــــات عصـــــــــــــــــــــام دبــــــــــــــــــــــــــابــــــــه
 
البوابةالرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول


اخبار المنتدي : سوف يتم انشاء قسم خاص لتعلم بناء المواقع والمنتديات وركن الدعم الفني والاكواد ..................................مع تحيات ادارة المنتدي ..............................المدير العام :عصام دبابه
لا اله الا الله
شريط الاهداءات والمواضيع من مدير المنتدي: اشكر كل الموجودين في المنتدي &&& فيصل ودالباشا:اهدي تحياتي لكل احبابي في كليه الخرطوم للعلوم الطبيه &&& محمد ادم زكريا (عسلكي): رايت الناس كيف تخون ورايت الكلاب كيف تصون فكلما زادت معرفتي للانسان زاد احترامي للكلاب &&& السيد سركيس: شكرا لكم يا طيارات &&& عبدالرحمن محمد:لقد اعتزلت التمثيل لاقتراب الامتحانات فسامحوني &&&ابوالقاسم حلمي(شاودر)الناس تفتش الخطا عشان تتبتعد ق تبا لهم

لا اله الا الله

شاطر | 
 

 موسوعة الشعر الحلمنــتـــيـشـــــــى4

اذهب الى الأسفل 
كاتب الموضوعرسالة
عصام دبابه
المدير العام
المدير العام


عدد المساهمات : 383
نقاط : 1136
تاريخ التسجيل : 24/05/2011
العمر : 23
الموقع : السودان /الخرطوم

بطاقة الشخصية
الاغاني: 34

مُساهمةموضوع: موسوعة الشعر الحلمنــتـــيـشـــــــى4   السبت مارس 01, 2014 2:11 am

قالت ليهو : ما لك بتاكل السندويتش حفار حفار

بقيت فار ؟؟؟

قال ليها :بقيت مجنون بقيت محتار

يا احلى كديسه في الدنيا

عليك ربك تبلعيني

وما تفضلي شي

ولو دا حصل

بكون يا بره اسعد فار

وانطط جوه في بطنك

وانقب فيها للاسرار

واقيف اتامل الكبده

والطوحال تقول رادار

اخزن جوه في المعده

وافتش لي كسره

وما القى

اقلب جاي دا همبيرجر

كمان بي جاي

جلي وكستر

اقلب جاى

عصير منقة وكمان اصفر

مصارينا عدال

مستفه بي عسل ..سكر

ما عامله زي كوكو ..مصارينو

ملفلفه زي حبال بنبر

واطير ليك فو

وفي الفشفاش واتحكر

وانط طوالي جنب قلبك

واشوف الدم هداك احمر

ابحلق جوه في قلبك

اعاين

القي صورتي انا

صوره الفار

هه يا عالم

دا ما سبب البلع ذاتو

اقول يا بره خارجيني

تقول لي نو

بحبك يا خى خارجيني

تقول لي ناو

وتتوكل تتطلعني

من اجمل فيلا

واحلي سجن

يمين من جوه فيها بطن

مفرهده زى زهور الفل

بتحمل نكهه النعناع

مطعمه بي طعم لبتون

وفيها نسيم بجيك بارد

مكندشه .. بس تقول هلتون

دا من جوه

ومن برا

تحلف بس تقول يا زول

بس واحد .. شال ليهو حبل

وربطو في القمر جرا

ولما تجي وهناك تقعد

تقوم من تاني تنفرا

اطول وتاني انصرا

واشوف الخاش ماش برا

واحس بي قلبي فرر..فرا

سجنتيني؟؟ ما بنساك واتخلا

حت لو الزمن عاند

وحت لو السهم جلا

بموت فيك موت

لانك انت افريقيا

 وانا البهواك مانديلا













يوميات طالب

الليله لكن ياعبد قمنا ليك متأخرين = ونلقى الباب مقفول ولابننجلد
وننشرا فى عز البرد أسمع ياخوى = إنتا ماعندك شىء غير حكاية الجلد
نحنا داكين الحصص عاوزين = عاوزين نشوف جو القصص
مادا طريق بنات المدرسه = بيجو بى هنا راكبين فى بص
عاوزين نتكحل فيهم = من بعيد والله بس
أسمع ياخوى الليله مايوم الأحد = دبل إنجليزى وبياخه جد
ويجينا ليك عاد أستاذ سعد = قوم ياولد داك إنجلد
وداك إنطرد وداك بالضحك إنشرط = وهيثومه غلط فى A أدوهو دسمس للأبد
كدى نشوف لؤى عندك شنو = والله الأولى جغرافيا والتانيه تقريباً حساب
والتالته ندخل فيها لاب نشرح البط = والكلاب دى نمله عندها كريستوما
ودا ضب عندو إلتهاب وسحليه = نفسياتها هابطه
ماعرفناهو ثانوى بيطره ولاعالى = طب ولاكلية عذاب
أمبارح إتلمو ناس هيثومه ولؤى = وجبوره ومحمدين
إسبوع عدوهو معاكسه للبنات = وإسبوع للتوت والروسين
هوى ياسلوى وهوى يالين = ماتشوفونا لو بى أونلى عين
ولا أعزمونا عشان نزوركم = مااصلو المسافه محطتين
وهوى يابنات الإتحاد = ماتجونا نعمل إتحاد
نلخبطا ونجوطه نخت = هيثم جنب لبنىولؤى جنب وداد
وعبد لله يركلس جنب نهاد = تدونا تدبير منزلى ونديكم إقتصاد
والألفا عاد أكون أنا = لابدور الهرجله ولابدور المسكنه
حسام إترزع تحت عثمان أمرق لى هنا = هوى ياسلوى ماتتكلمى
خلينى النتكلم ليك أنا = أنا ماخايف عليك من وجع الحلق
واللوز والبشتنه هاكى الحقن = وهاكى الإسبرين وهاكى السكلوبين ياستنا
ماديل ناس جبوره وحبوره = الجابو الأميبيا المزمنه
وإنشاء الله يمرض أبو الفصل =ونملا الحصه ونسه دقيقه ودندنه
ياربنا ياربنا تسويها = عشان حبنا





















واااى يا ندى

كل ما اقول للناس كلام
الناس تقول .. لا ما كده
كل ما اقص لى بنطلون
يطلع قصير ذى الرداء
وكل ما اقول جبتا النجاح
تطلع شهاده مقدده
اه يا مغص .. اه يا آلم..اه يا ندى
ما ده الزمان كاسر قلوبنا وهاردا
ادينا ياخ جرعة حنان
حقنة آمل
كبسوله بسمه وغروده
وانا ما حكايتى معقده
بتعشى ديمه مع الصباح
باكل الفطور بعد الغدا
فى يوم مشيت جنب البنات
من نوع شهيره وشهرذاد
حاجات...كده
وظهرت ندى
ملكة جمال متفرده
قالت لى وين يا حدب
كيفك كدا
كيفى كدا ؟؟
الحقنى عوك يا مرتضى
اخوك اعصابه بايظه وهامده
زى شنان وكت كندوره مزق ليك
شباكه وقدده
مريخ عديل حاكّه المورده
قلتا ليها شوفى يا بت الحلال
دفترى حابى دفاترك ورايدا
وحلف ما يتقرى عمل الحكايه معانده
وشبشبى حلف ما يمشى خطوه ولاقدم
إلا يشوف كعب عاليك ده
وقميصى حابى بلوزتك الحلاتا مورده
وشوفيه من كتر البكاء
كيفن اكمامه بايظه مهرده
وجريونا حابى جريوتكم شديد
فى الحله من دون الجريوات رايده
قلتا ليهو شينه ومجعّده
حلف ما يقتنع عمل الحكايه مكايده
وانا ذاتى يا ريحانه يا متفرده
احوالى كعبه منكده
يا ام تحبينى واموت
والروح وراك مستشهده
يا ام تشوكشينى واموت
ووصيتى واحده محدده
قبل الدفن والفاتحه
ديك ما يقروا تشهدا
يكتبوا فى قبرى
بى خطّا عريض
فى لافته فوق
(واااااي يا ندى)



























آآآآآآآآآآخ يا ندى


كل زول في حياتو يا ما تمر قصص وقصص غريبة معقدة
وأنا جيت هنا داير أحكي بس قصة ندى
في حد ما بعرف ندى ؟؟
السمحة لون القمحة شكل الوردة بقطر الندى
فرح الطيور لمن تشوف النيل عليه ترك وتبسم للطبيعة مغردة
ندى اللفتة عندها يرتعش ليها النسيم يمسح خدودها يورده
والنظرة ليها حال الحلة وكتين الفجر يمتد نوره يزيح بواقي الضلمة لمن يطرده
لي حسي ما عارفين ندى
ابقى الكلام يا أخوانا شكل اللحظة لما يبين وراء الصوت الصدا
نـــدى..نـــدى..نـــدى
واللسه أكثر من كده يوم جات تزور حلتنا ست الناس ( ندى)
الحلة حيوناتا هادية أليفة وأكثر من ظريفة وكل شيء ليه مدى
آآآآآآآخ يا ندى
حيرتي كل الكائنات
شوفي الخروف القلنا جاع لمن ظهرتي قام هدا ما قالا باع بع بع كدا
باااااع يا ندى
شوفي الجداد شافك كدا عاد هاج وماج خلا المنام والغتغتا
والشي الغريب البيض كمان بطلع براه من دون غتا
آآآآآآآآخ يا ندى
ديكنا لمن قام يعوعي وشاف بسيمك براحة كتكت للجدادة وسكتا
هوس هوس ديك ندى
والتيس وهم حرد الغنم غمغم كتير عامل بعير
آآآآآآآآخ يا ندى
شوفي الكلب الكان بهوهو في الدرب خلا النباح
حتى الحوامة الفي الصباح خلاها راح
شمشم وراك كل الحيط لا خلا لستك ولا عمود لا جزمة واقعة ولا ردا
لمن تعب لملم أضافري وعضعضا
آآآآآآآآآآخ يا ندى
تجي تشوفي الكلب ولا الخروف التيس ولا الجداد الديك ولا الحمار
الحمار الكان بهنق بالهظار شافك طرب وقع أنقلب وفضل يغني
الحمار بقي يغني وجاب معاو ديل كلهم
الكلب بيجاي يهوهو ظابط الإيقاع تمام
والتيس بجاي ينطط والخروف ما بيز تقيل سواها فرقة جاز عديل
وأنا وسطهم عاد شن بقول
تعالي شان تلقي الكديس الكان بنوم طول النهار خلا المنام وأكل الحمام
ناو زاتا راحت من لسانو جي يقولا ناو طلعت ندى
احتار كمان وقعد يمسح في أضانو يجي يقولا ناو تتطلع ندى قال ده شنو دا الحوش دا لازم فيو صدا
خشى البرنده وجوة البرنده ناو زاتا ما طلعت
ندى تعالي شان تلقي الحصل جد ما كضب أو دبلجة تلقي الكديس للليلا موهوم
يا ندى
في قصة أغرب من كده ما أعتقد
مش كدى؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://isamdbaba.mam9.com
 
موسوعة الشعر الحلمنــتـــيـشـــــــى4
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديــــــــــــــــات عصــــــــــــــــــام دبــــــــــــــــــــــــــابــــــــه :: منتدي الادب :: ركن الشعر الحلمنتيش-
انتقل الى: