شعر حلمنتيشي

أنا أتمايل طربا عند سماعي
للشعر الحلمنتيشي
لذا فكرت في تأسيس هذا البوست
و هو بمثابة إستراحه خفيفه
مع الشعر الحلمنتيشي
راجينا من جميع الإخوة و الأخوات
المشاركه بما لديهم من قهوة حلمنتيشية
و سوف أبدأ أنا بأول فنجان
مع كفتيرتك

كفتيرتك في السوق مرمية
وكبايتك يابسة ومجدوعة
يا بت الخلطة النوبية
يا حلوة ورائعة ومربوعة
كانونك كان عامر بالناس
صناع عمال ومساعديه
حارسنك طول اليوم
تجار وسماسرة عطلجية
كم استحملتي رزالة الناس
عشان امونة وزكريا
فتشنا عليك في كل السوق
ورتنا صديقتك قمرية
حزنانة بتبكي بدمعا حار
والعدة هناك في البلدية
كشوك يا حواء من الأسواق
واصبحت ايدك ملوية
انتى الجيتي تشدي الشاي
بتفتشي في لقمة هنية
بتخافي كتير من كشف الحال
أبيتي الطرق الملوية
أحلامك على قدر لحافك
ما عائزة عمارة وعربية
عاجبك بيتك في الإنقاذ
أو حاج يوسف ردمية
كشوك يا حواء من الأسواق
والدمعة في خدك متكية
وهسة خلاص خليتي الشاي
بتبيعي م... وبقنية