المصطلحات الشبابية الجامعية

حفار=للبتكلم كتير مع المحاضر او الاستاذ
الود دا شغال في فريش = بيخلط كتير و فريش دي كافتريا بتاعة عصائر بس
يظل البرلوم برلوما حتى يكون خريجا /على وزن يظل المتهم بريئا حتى تثبت ادانته
... سوسيو = c
السان ده السانه دي كيس نايلون =يعني خفيف شديد
ماتشقله لي اوماتحركه لي =ماتقول لي الحاجه كم مره
خشيتي الجامع بيقولوها للبت البتعمل مكياج نهايه اليوم
السان ده تقديراتو كلها آسات = يعني متميز وتقديراتو (أ)
داخل الامتحان بالبركه=ماقاري وماناقش اي شئ
كتاحه= الوجاه
عشه وطياره بيقولوها البنات للولد الوجيه
ضب= كسار في القرايه، (بساهر لساعات متأخره من الليل)
بير = الولد والبت البمشو مع بعض طوالى
شامبيون مبالغه بتتقال للولد السمح
معاط اومعاطه=كلامو اوكلامها كتير
قرضه ونبقه للوجاهه والشنا بالترتيب
قص ليو = خطف حبيبتو
كبر اللفه يعني زاغ من الموضوع
حرامي القلوب تلب يعني الولد البجكس كتير
اتش دبور للولد المربى شعرو وموقفو فوق
بالكرووب : بطريقة غير مباشرة
الزول البجيب A يعنى ماسك عكاز
البلوم =الطلاب الجدد
حضنا : اي موسرهو
رقشه مصطلح جامعي=للود الجنويقدم البنات للداخليه
يقال "محرك كذا" او "مركب مكنة كذا" : للسان العايش الدور
شله يخس ديل الجماعه المابحضرو محاضرات وعاملين فيها رمتاله
ورور: جنو قراية
مدستر=شايل بخرات اللامتحان
عامله حنانا =بتحنك مع واحد.
خط ميه غرب =تقال للجماعه البجلسو اخر القاعه
لوكس= للولد البجى قاشر و نضيف كل يوم
ماشي لاب عربي =ماشي اخلط
لط; زول ظريف ماعندو مشكلة
ماشايل مع الناس= ده الزول البكون ساكت ساي ومابشارك مع الفرد لما يتكلموا ليهم في موضوع
كسار تلج=بيحنك الجكس او كسر تلج للبرف حنكو في موضع عايزو منو بحث مثلا او يديهو باص في امتحان او تخفيض رسوم وساطه يعني حسب حالة تكسير التلج لمن وليه
ماشي اتندس= لو في زول عجبو زول وماشي اشوفو
الورشه =استراحه البنات
نقاشه= البت التكتب الامتحان في الحيط بتع القاعه دا كان عندنا.
صمات =الزول الكلامو كتير لانو بيخلي الناس يصمتو
ننعوشوك=طردوك من المحاضره.
غسل = دكه المحاضره
محاضره ككا KKA=ما جايبه حقها
لبت شايفه روحها=دي العامله روحها ولا ديانا كروز
عيش البيش=تكون في مصيبيه وعامل طناااااش
راسوا مقطوع= دا الولد السابتو سابتوا حببيتو و خلتوا قاعد مهلوس
(Act a fool) آكت ا فول = اعمل رايح او اعمل مطنش
طرح: صرح: قدم ورقو : يعني فرجت ليه وامورو وضحت
حجر=زول القراية الماعندو شغلة بي جكس
كسار =ذول قراي
صاحب النظارتين> ده العندو ضعف نظر،(لابس ليو نضاره ، والنضاره التانيه عيونو المابيشوف بيها كويس)
نعناع = الولد الجنو حفلات
صهريج=عامل دكتوراه في علم المواسير(زول جنو مواسير)
ماتعمل لي سبعه تمنيه في راسي=ماتعمل جوطه ونقه

» شواكيش حسب التخصصات الجامعية