قصه شاكوش كااااااااااااااااااااااارب

سلامات
نطلع ليكم شويه الليله عن الجد زي مابقولو واكتب ليكم قصه شاكوش وقبل ابدا القصه ارجو ان تقبلو مني هذه المقدمه الشعريه وعذرا للتخريم والتحريف
جلست و(البارد) في ايديها تتامل فنجاني المقلوب
(قالت ياداقس لاتفرح فالشاكوش عليك هو المكتوب)
(وقدلاتنفعك الجرسه ولاحتي تحديف الطوب)
( ولن تجدي عزوماتك من شاورمه وروب )
(الم تري بني كيف كان المقلب لك المشروب)
( فتركتها اصرخ ياويلي باعني ذاك المحبوب)

الكلام ده بذكر ناس كتار بي حاجات ماكويسه المهم ياجماعه انا داير احكي ليكم حكايه احمد وهو شاب ظريف كده مشكلتو في الحياه انو داير يحب وحظو العاثر رماهو في طريق سلوي حباها بكل جوارحه اقول ليكم حاجه ده وصل مرحله انو لو ما شافه بيعي اي والله العيا الواحد ده وكان عيبو الوحيد انو شخصيته معدومه قدامه يعني بالعربي الفصيح كده مسيراهو امشي يمين يمشي يمين امشي شمال يمشي شمال نسيت اقول ليكم حاجه مهمه انو احمد وسلوي طلاب في جامعه واحده اها صاحبنا قام سمع طراطيش كلام كده من زملائهم في الجامعه انو سلوي دي دايره ود عمها وداير يتقدم ليها صاحبنا طوالي بلع الطعم ومشي لي اهلو وقال ليهم كان ما خطبتو لي سلوي بنتحر اهلو المساكين قالو نجاريهو مايقوم يعمل حاجه في روحو طوالي قامو ساقو عماتو واعمامه وخيلانو وخالاتو ورسلو لي جده جاء من البلد وعلي بيت ناس سلوي عدل
سلوي ذاته مامصدقه المهم خطبو لي سلوي وبما انهم ناس ميسوري الحال وبقصد ناس احمد اهل سلوي وافقو طوالي وصاحبنا فرح فرح كده خرافي نسيت اهم حاجه احمد قبل يعرف سلوي كان بحب واحده اسمها محاسن لكن كان حب من طرف واحد ومحاسن ذاته اتزوجت والعوير قام حكي لي سلوي سلوي ختت في باله انو دي ورقه جوكر تستخدمه عند اللزوم معليش يا جماعه اخوكم مدمن كتشينه اها مرت الايام وكل يوم صاحبنا حبو لي سلوي بزيد وسلوي مطالبه بتزيد وطبعا عارفه نقطه ضعفو الكلام الحلو احمد حبيبي انا دايره كريمات احمد كان يسرق يجيب الكريمات ترسل لي رساله حبيبي صباح الخير ممكن ترسل لي رصيد بي عشره احمد المغفل يرسل احمد يضرب ليها يلقي موبايله مقفول لما يلاقيها تقول لي الموبايل بتاعي ده بقي كعب (مع انو اشتري ليها الموبايل قبل شهرين ) طوالي صاحبنا يغير ليها الموبايل وظهر في حياه سلوي سامي مغترب اتعرفت علي عن طريق الموبايل نفس الموبايل الاشتراهو ليها احمد ضرب سامي في تلفون سلوي بالغلط واتعرف عليها وطبعا البت حريفه ما قالت لي اني مخطوبه المهم سلوي لما ضمنت انو سامي اهلو حيجو عشان يخطبوها ليهو بعد سبعه يوم طوالي اتسببت علي احمد واستخدمت الجوكر ( الناس قالو لي انت لسه قاعد تلاقي محاسن ) (لا والله ما لاقيتها بعدين محاسن متزوجه ) ( انت كذاب وانا ندمانه اني حبيتك وياها دي دبلتك )
وجرت خلت احمد في ذهول حاول يضرب ليها تلفون لقاهو مقفول يمشي ليها في البيت امها تقول انها مافي ومن الباب ما يدخلو بعد سبعه يوم سمع انو سلوي بقت لي غيرو صاحبنا طوالي فوت واحد معاصر القصه دي قام كتب القصيده التاليه :-

سكنتي في عالم هواهو اصبحتي ستو وروعتو
نسيتي ايام السواد سهرو وسهادو ولوعتو
ورجعتي للفرح الجميل البدري فارق سكتو
ولملم عقاب الذكريات وبي ايده قشقش دمعتو
كان قايلك انتي فرس رهان يفش غبينتو وزعلتو
قايل معاك يعيش سعيد والدنيا تسمع ضحكتو
ويسكت الشامتين علي ويغيظ محاسن صاحبتو
لكن معاك عرف الشقي وكسحتي انتي خطاهو
حسستي انو وحيد زمانو وفي قلبك انتي مافي سواهو
وماكلفك غير جمله واحده واحده كانت سبب ازاهو
ومن يوم داك هو يطنطن بدل ما يفط سطر سطرين نص كراسو فطاهو

يكفينا الله شر الجنون وانشاء الله تسلمو كلكم من الشواكيش

» قصة فتاة ماخده شاكوش