هترشة مذبوح

موضوع: هترشة مذبوح الثلاثاء مارس 11, 2014 7:54 pm

بسم الله الرحمن الرحيم

هترشة مذبوح ( ابراهيم عباس احمد)

قد سألت اللمبة يوما ليه يا لمبة نورك طافى
ومالك انتى ما بتحنى وابقى شعاعك ديمة صافى
وليه فواتيرك رهيبة وكل تقديرك جزافى
وهل صحيح ما رووهو زى عنادك انتى مافى
قطع نورا ولى قالت[نوم خلاص تصبحلى عافى]
@@ب
وقلت اسأل الماسورة ليه يا انتى مخاصمة الزير
وما بتجودى بقطرة واحدة تحفظ ماء وجهو الجميل
وليه يا انتى مابهمك ولو ندينك بى دليل
وهل يا انتى ما سمعتى..نحن جهزنا البديل
ومنك اتنى خلاص زهجنا وقلنا نسيبك بس عديل
وين يا[ماسو]بكرة بتمشى من غضب اهل السبيل؟
زاد شخيرا ولى قالت[شكرا ياسيدى الوزير]
@@
وكم سألت التلفزيون مرارا ليه موادك جد رتيبة
ومالو جمهورك مخاصمك عشان برامجك بس كئيبة؟
وهل حقيقة ما بثوهو انك انت بقيت مصيبة ؟
وبقبت حاجة ما مهمة وهم رموك جوة الزريبة؟
[نملت] شاشتو وقالت[اسوأ مواد رايحين نجيبا]
@@
ومشيت اسال الوظيفة ليه يا انتى ما بتغطى
ومالو اجرك بس شوية وبالفلس انتى ارتبطى
وهل نصدق لحديثن انك انتى خلاص فشلتى؟
ونحن معاكى ضاع عمرنا وحسبتى ضدنا كم بلنتى
وهل معاكى بس بنحلم مرة واحدة نفطر ببلطى!؟
ضحكت منى وقالت[إلا تكون حاوى وقمرتى]
@@
وسألت الكورة سؤال مباشر ليه يا انتى اداءك فاتر
ومالو جمهورك متعصب واعلامك شغلو بس إهاتر
وليه يا انتى ما بتجيبى ادارى ناجح وكوتش شاطر
ومالو تحكيمك مشاتر وكل قرار بتخذو باطل
وليه تيمك ديمة راجع إما مهزوم إما خاسر
زعلت منى وقالت[رايحين نزيد سعر التذاكر]
@@
وفى النهاية قلت امشى اشوف السوق
ما اصلى عائز ربع لحمة وكمان طايوق
وقررت اسأل بكل طيبة وكل ذوق
ليه يا انت اسعاركم طالعة ما بتنزل وديمة فوق
ضحك زولى ولى قال[الا اكون التور مسروق]