من غير عفو............

من غير عفو

قلب مواجعي مع القصيد
ما خلي فوقي ولا نفس
بشتن حروف الريد علي
قبل النضم يصل الخيال
بالغصه في الغيب اتحبس
واتهزا ماعوني القبيل
احساسي جواهو اتكبس
واتدفقت منو الهموم
قام طيفها من فوق ليه رقص

وانا قلت ليك يا اخويا
محتار القي كيفن مطلعها
مبهوله قدامي الحروف
وكتيره راقده مواجعها
قت لي خليك في القريب
من الختام خش شارعها
وياصاحبي حاولت الحروف
الا القلم ايديا رافض اطاوعها
ماكان تملي بشوفها نور
واصلو القلم بالفيها
لسع ماوعي....

وماعارف كم كضبت عليه
دسيت احساسو ورا الغيمات
سطرت حروفو قدر شوقي
وصورتها في جواه واحات
ماعارف ضلها لي كان حر
بكتني وضحكت الشمات
لافرت منها دمعه خوف
لاقلبها ضاق وجع الدقات

ويدقدق كيف؟؟
مادام بالزيف من قام رويان
كيفن حايحس بالوجعه البي
مادام الحس جواه شراقان
ياواقفه وراجيه مروق الروح
ماعابني معاك غير كت انسان
ياحاريه بشوق عترات خطوي
وبتعذر غلطان اوماغلطان
كيفن قلبك يوصفني حبيب
وبزيف في لحظاتنا الخوف
شان بكره يقول كاسيني امان

ويتسرب فجاه بدون اعذار
ساعه مايحس حاطني الطوفان

وانا ماني فرضت عليها الريد
شان ماترجع وتحدد انو نكون اخوان

وانا من وجهني قليبي عليك
وفرزت مكانك دون الناس
ورسمتك احلي عيون للريد
ورضيتك زينه وتاج للراس
لاخنت وعودي معاك لحظه
ولا يوم نقصتك في الاحساس

وبتتغابي؟؟؟

ماكنت وحاتك ماعارف
بس راجي قليبك يتعلم
لو يوم غيماتي عليهو تصب
يتفتق حن او يستسلم
وسرابك اطش كل ما اقرب
وانا بعطش ليك وبتالم
يا اسمي معاني الحب الزيف
ولسان افراح الاتبكم
معذوره حروفي وقت تخنق
ساعه بي سيرتك نتكلم

وانا داير اقول لك بس حاجتين
ماتقولي معاندانا ظروفنا
ماينفع اصلا انو نحب
مادام بنطاوع في خوفنا
مادام بنزيف في الضحكات
بس شان الناس ...
من دون اوجاع تبقي تشوفنا

وفي الاخر سلام يابت هويتا رضيه
زينتا الرويحه اديتها ليها هديه
دا الخلاها فوقي النار تلهلب حييه
ودرت القليب..وانا مااني قابل الديه